Tunhnai a Lai Autonomous District Council Sorkar in Kaladan Multi Modal Transit Transport Project hnuaia , zangnadawmna beisei, mi 138 te ram pass a Cancelled chungchang ah, Lawngtlai District Land Owners Association chuan, Ram pass dik tak nei mi 138 nen ngaihpawlh loh an duh thu an sawi.
Lawngtlai District Land Owners Association President Pu T.Zatlunga chuan, helai kawngpui sialin a tihchhiat ni a insawi mi 303 te chu kum 2016 khan Zangnadawmna pektura ruahman niin, Ram pass chungchangah felhlel a awm ni a hriat vangin Anti Corruption Beureau (ACB) chuan mi 303 te Ram pass chu a chhui chianga, mi 138 te ram pass chu a dik tih finfiahin, mi 102 te Ram Passed chu ngaihtuahzui turin a ti a, he thu kalzelah hian a hmaa Ram pass dang chhuichianlai nen, September 26, 2025 a Special Judge, Prevention of Corruption chuan mi 138 te ram pass chu Cancell tura a tih bawhzuiin, Lai Autonomous District Council Sorkar chuan mi 138 te ram chu a Cancelled ta a ni a ti.
ACB ten Ram pass dik mi 138 a finfiah leh Pass diklo a ngaih 138 Cancelled chu a Number a inan vangin KMMTTP a ram neitu, Zangnadawmna hmuh ngiattute ram chu Cancelled vek anga ngaih palh theih a nih thu Pu T.Zatlunga chuan sawiin, Pass diktak mi 138 te chuan Sorkar thuneituten theihtawp an chhuahpuina vangin Zangnadawmna pawh hmuhthuai an beisei tih a sawi.