Sanitation & Waste Management Department, LADC, Lawngtlai
MIPUI HRIATTIRNA
Lai Autonomous District Council (Public Health and Sanitation) Rules, 2014, Rule 9-in thuneihna min pek angin, kei, C. Lawmsangzuala, Sanitation & Waste Management Officer, LADC chuan Lawngtlai Town leh LADC huamchhungah hriselna leh thianghlimna kawnga hmasawnna a awm theih nan leh, hri leh natna laka kan him theihna turin a hnuaia khapna leh hriattirna hi a tichhuak a ni.
1. Bawlhhlawh chungchang:
1) Bawlhhlawh leh thil rimchhiate, a dahna tur bika ruatah nilo, khawlai, kawngpui leh kawmkarahte paih emaw, dah emaw phal a ni lo.
2) Mimal, chhungkua leh sumdawngtu te'n an bawlhhlawh leh thil rimchhia chu bawlhhlawh ip (garbage bag) ah emaw, bawlhhlawh bawm thianghlim taka vawnah emaw an dahkhawm thin tur a ni a, Sanitation Motor hmang leh remchang dang hmangin, a paihna hmun tura ruahman bikah chauh an paih thin tur a ni.
2. Tui luankawr vawnfai chungchang:
1) Chenna in leh dawr atangin tui chhia, ranvulhna thli, thil rimchhiah leh tenawm, awmze neilova, a luanna/paihna tura ruahman bikna nilo hmun danga luan chhuah tir emaw, paih emaw phal a ni lo. Tuman kawrah tuichhe luanna dalin bungrua emaw, leivung emaw an paih/dah tur a ni lo.
2) In neitute leh in luahlutute chuan an in leh a chhehvel, tui luankawr, zun-in leh bawlhhlawh paihna hmun dangte telin, an tifaiin an enkawl thin tur a ni.
3. Sumdawnna hmun vawnfai chungchang:
1) Hotel, restaurant leh tea stall neitute, Manager-te leh, an hnathawktute chuan bungrua, hmanrua, mutbute leh an chetvelna hmun chu, hriselna atan a hlauhawm thleng thei hrik laka kan him theihna turin, an enkawl thianghlim tur a ni.
2) Dawr ah ei tur leh in tur chi hrang hrang, hrik leh tho lakah a him theihna turin, an dahna tur bika siam almirah, bawm, container, etc. ah an dah vek tur a ni.
3) Sangha leh Arsa zuar zawng zawngte chuan an thil zawrhte chu thosilen emaw darthlalang emawin an khuh/tuam vek tur a ni.
Khawtlang mipuite, sumdawngte, leh mimal tinte chu Lawngtlai khawpui hriselna leh faina vawnghim turin heng dan te hi zawm vek tura phut an ni a, kan khawpui a thianghlim zel theih nan, mi tinin kan mawhphurhnaah i la theuh ang u.
Heng thupek zawmlote chu enzui a ni ang a, Lai Autonomous District Council (Public Health and Sanitation) Rules, 2014 (Rule 30(6), 32(9) & 34) in a sawi angin action lak zui a ni ang.
Sd/-
C. Lawmsangzuala
Sanitation & Waste Management Officer,
Lai Autonomous District Council, Lawngtlai.
I&PR (LADC) No.69
Tags
Advertisement