SBI in Lawngtlaia Inchim tuartu hnen ah Insuarance pawisa pechhuak.

The Lawngtlai Post

Vawiin khan Pu Lalsiam Guite, Chief Manager, State Bank of  India Lawngtlai Branch chuan, May 30, 2025 zana Lawngtlai Bazar Veng leh Chandmary Veng a In pasrih chim tuartu zing ami, Pu F.Rothuama hnenah Insuarance pawisa  Rs. 38,28,000/- a hlan.

Pu Lalsiam Guite Chief  Manager chuan SBI hnuaiah Insuarance chi hrang hrang tihtheih a nih thu sawiin, Pu F.Rothuama chuan a In  chu cheng singli vel sengin Insuarance a lo tihfel vangin, Bank lam chuan chhiat an tawhdante a enfel hnu ah pawisa a pe ta tih a sawi a, Bank loan la kherlo tan pawn Insuarance hi tih theih a nih thu leh Building hlutdan a zirin pawisa dah ngai hrang hrang a awmthu leh, vawikhat pawisa pek chuan kum 20 chhung a huamtheih thu a sawi.

Insuarance sum dawngtu, Pu F.Rothuama chuan, State Bank of India ah Insuarance an lo tifel chuan nasatakin vanduaina karah a chhawk zangkhai tih sawiin, Insuarance tite tan harsatna an tawhin pawisa hmuhlet a harsat thu an sawi thin chuan belhchian a dawlloh thu leh, a hlawhtlinna a takin an hmu tih a sawi.

May 30, 2025 zan a Lawngtlaia Inchim vang khan State Bank of India atangin Pu F.Rothuama te unau chuan Insuarance an lo tihfel vangin pawisa an dawng tawh.