Thenawmram Myanmar leh Bangladesh atanga an sahimna zawnga Lawngtlai District a luttte chhinchhiah hna chu thawh mek niin, vawiin a chhinchhiah thar tellovin, mi 261 Bio metric Enrollment tihfel a ni tawh.
Nimin khan Lawngtlai DC, Pu Cheemala Siva Gopal Reddy chuan Biometric Enrollment tihna hmun VC House, Chandmary Lawngtlai a mi tlawhin, hnathawhdan a enfiah.
Mizorama raltlante 'Biometric enrollment' tih mekah July ni 28 atanga nimin chawhma thleng khan mi 887 chhinchhiah an ni tawh.
Ministry of Home Affairs-in Mizoram chhunga raltlante chhinchhiahna 'Biometric enrollment' nei tura a tih angin District 11-ah Myanmar leh Bangladesh atanga raltlante chhinchhiahna hna hi thawh a ni a, Home department hotuten an sawi danin, raltlan lo lutte chu an kutzia chhinchhiah an nih bakah, an rama an chenna hmun leh an hnathawh mekte biometric enrollment hmangin chhinchhiah an ni.
Tunah hian Myanmar atanga raltlan lo lutte chhinchhiahna neih mek niin, Bangladesh raltlante chhinchhiahna kalpui leh a ni ang. Aizawl-ah mi 74 chhinchhiah tawh an ni a, Lungleiah mi -103, Siahaah mi - 106, Champhaiah mi-7, Kolasibah mi - 15, Serchhipah mi - 67, Mamitah mi - 33, Lawngtlaiah mi - 261, Hnahthialah mi - 53, Khawlzawlah mi -80 leh Saitual Districtah mi -88 te an ni.