Lawngtlai West bialtu MLA, Pu C.Ngunlianchunga chuan vawiin khan NHIDCL a Executive Director Pu Adelbert Susngi hmuin, Mizoram chhimlam chaklakna leh inkalpawhna kawngpui pawimawh National Highway-02 chungchang sawipuiin, hmalak dantur rawtna ziakin a pe.
Pu C.Ngunlianchunga chuan Lawngtlai leh Lunglei inkar, Lunglei District chhung, Bualte dai a leimin nasatak vanga Mizoram chhimlam, Lawngtlai leh Siaha District mipui ten kawng hrang hrangin an tuar mek tih NHIDCL hotu hi hrilhin, chak zawk leh daihrei zawk tura hmala turin a ngen a, helai leimin hi a hnuailam thianfai thin mahse, a chunglam ah lei tawlh maithei a tam vangin thenfaisa a hnawhping zel tih Lawngtlai West MLA chuan NHIDCL hotu hi hrilhin, mipui tawrhna nasa zawk thlenzui zel thei a nih vangin, leiminna lai chu kawngpuia leitla chauh paih lovin, a chunglam ah lei tawlhzel tur ven nan Terrace zau deuh taka hmun engemawzat ah siam hmasak nise chu chuan helai leiminzel tur ven nan awmzia thuitak a neih a beisei thu sawiin, hetiang zawnga hmala tura ngenin, ngenna lehkha Lawngtlai West MLA hian NHIDCL Executive Director hnen ah hian a pe.
Pu Adelbert Susngi , Executive Director, NHIDCL chuan Lawngtlai West MLA, Pu C.Ngunlianchunga ngenna chu thilthatak tur ni a a hriat thu MLA hi hrilhin, a hnuaia thawktute chu Bench Terrace siama helai leimin thenfai hna thawkturin a hriattir nghal.