Lawngtlai West MLA in Bazar Veng atanga DC Office panna kawng, lirthei lianzawk kaltheih turin siam a tum.

Lawngtlai West bialtu MLA Pu C.Ngunlianchunga'n MLA Fund in Lawngtlai khawpui chhunga kawng pawimawh, leiminin a tihchhiat siam a tum.

Kumin May 30 zana Lawngtlai Chandmary leh Bazar Veng a In pasarih chim vanga, National Highway atanga DC, Office, District Hospital leh Sorkar hmunpawimawh thahnemtak panna kawng ping chu Auto Rickshaw kaltheih in siam a ni a, helai kawng pawimawh tak hi Lawngtlai West MLA chuan Lirthei lianzawk ten an zawhtheih nan MLA Fund hmangin siam a tum a, leiminna lai hi Lawngtlai West huamchhung nilo mahse, Lawngtlai West MLA chuan mipui lamin harsatna an tawhphah nasat vangte, rikrum thil leh damlo mangang zual tan harsatna lian zawk thlen belh zel thei a nih vangin, a MLA Fund hmanga siam a tum thu a sawi.

Helai hmun hi vawiin khan Lawngtlai West MLA leh PWD Lawngtlai Division a Executive Engineer, Er.Joseph Remmawia ten a hmun ah an en a, PWD lamin kawng siam dantur ruahmanna lo siam se, an siam zawh veleh hna hi thawh tan nghal nise an ti.

Lawngtlai West MLA hi Lai District Congress Committee hruaituten tawiawmin, Lawngtlai RD Block a BDO, Dr.Saithantluangi Zote leh PWD hotute leh Bazar Veng VC leh Branch YLA hruaituten an dawngsawng.