Pu C. Ngunlianchunga MLA& Vice President MPCC chuan Pu Hawla kaihhruai sorkar a lo ding tawh thin a, chhim lam min duhsak thin a, tunah ZPM a sorkar a, khaikhin nachang lo hre teh u a ti.
He thu hi vawiin khan Congress Bhawan Lungleiah sawiin Pu Ngunlianchunga chuan Congress sorkar ah chhimlam MLA te pawimawhah min dah vek a,tunah chuan Adviser to CM phuahchawp Health min pe a , file pakhatmah a kaltlang lo. Keini chhim hian duhsakna kan hlawh lo. Lungleiah pawh bial 7 ah Hnahthial nen MLA 6 ZPM in an nei a, Minister 1 min pe ve tawk. Chu chuan enge a tih? Congress in Lunglei a Damdawiin a din ah ngei pawh ICU dah turin an la ti leih leih chauh a ni. Health Minister hi a chaklo a ni lo, sawipuitu a neilo a ni zawk ang a ti.
ATL Road lah chu CM bial kan tlan pel a, in vawrh dawt dawt a ni mai. Pu Hlimpuia MLA feltakin security a chhui a chhui a, vbc 90 chuang 6th Dec 2024-ah hman theihin a awm. He kawng hi ngaihsak nise, thal chhunga hman theih lohna chhan tur a awm em ni. ZPM hi Lunglei mipui vang a ni a, in vaiin in vote a, cabinet meeting kan ko an ti a,engnge kha cabinet khan a rel chhuah. Airport te an ti, kan neihsa pawh hralh tum in enge an tih ang,a ti.
Kawng hi rulngan pa ang zar kan beisei lo. Khuar te tal hnawh ve se. Chhim hmangaihtu chu Congress a ni tih hi a takin kan hmu a lawm a ti. ZPM hian chhim mipui te min chhimbudawi a, kum 1 leh thla 5 velah lawmna tur kan nei lo a ti bawk.