Lawngtlai ah Mega Oil Palm Plantation Drive, DC hovin neih ani.

Vawiin khan, Chandmary Inpui, Lawngtlai ah Mega Oil Palm Plantation Drive, Lawngtlai Bawrhsap Pu Cheemala Siva Gopal Reddy hovin neih a ni.

Mega Oil Palm Plantation Drive, Lawngtlai a  hi ruahmanna hmasa ah chuan Agriculture & Farmer's Welfare Minister Pu PC Vanlalruata hova neihtur a tih niin, Lawngtlai leh Lunglei inkar kawng chu Lunglei District huamchhungah leiminin a hnawh vangin Minister hian Lawngtlai a lutthei lova, Lawngtlai Bawrhsap hovin he Mega Drive hi hman a ni.

Lawngtlai Bawrhsap chuan India ram chu Tel eichi ah a intodelhlo tih sawiin, ramdang atangin tamtak lakluh a ni a, Mizoram pawh Tel eichi ah a intodelhlo nasa a, mahni intodelh tur a hmalak a ngai hle tih sawiin, Lawngtlai District a Oil Palm chingtute chu thahnem ngai zualturin a chah a, Kuthnathawktute chu a hralhna awmsa Oil Palm chin kawngah harh thar se a duh thu a sawi.

Oil Palm Mega Plantation Drive hi District Agriculture Officer Pu Lalremmawia Colney chuan kaihruaiin, Patanjali Foods Limited hotute chuan Liapha bul, Lawngtlai District ah Oil Palm herna khawllian bunturin hmalakna kalpui mek a ih thu an sawi a, kum kalta chhung khan Lawngtlai District ah Oil Palm, Metric Ton 650  a KG zawngin, Kg nuai 6.5 tharchhuah a nih thu leh kumin ah pawh Metric Ton 315.95 tharchhuah a nih tawh thu te, International Rate mil zelin Kuthnathawktu tharchhuah lei a ni a, a tlangpuiin Kg 1 Rs. 15 vel a nih mek thu an sawi.

Mega Oil Palm Plantation Drice ah hian Oil Palm hlawhtling taka chingtu Kuthnathawktute atangin an tawnhriatte ngaihthlak a niin, he hun ah hian Lawngtlai SP, Pu PC Lalchunglura, KVK Lawngtlai a Sr,Scientist & Head Dr.C.Lalfakawma te pawh an tel.

Kumin hian Lawngtlai District ah ram Hactare  1500  zau ah Oil Palm chinthar tuma hmalak niin, Oil Palm tiak hi Pu CHeemala Siva Gopal Reddy chuan a vailiam.