.jpg)
Hriatlawkloh leh khuarel chhiatna angte hi englaipawhin thleng thei reng a ni a, Sorkar chuan heng ang chi alo thlen palh pawha chetlakdan tur hrang hrang zirna hi angaipawimawhin, enchhinna pawh neih a ni fo thin.
Ataka chhiatna a thlen hian, zirna anga a kimchang thlip thlepa kalpui vek theih nilo mahse, za a 70 emaw tal kalpui anih chuan awmzia a nei em em ang tih a chianga, chhiatna thleng azirte, a hmunhma a zirten duhthusam vek chuan thil a kaltheilo tih erawh a chianga, heng hun a rawn thlen palh hian DM&R lam thuamchak a ngaihzia a langfiah thin a, hmanrua changtlung leh thazawk neihbelh a tul khawp mai.
Chhiatrupna a thlena chetlakdan tur mumal taka kalpui a nih vangin tuntuma Lawngtlaia Inchim ah pawh chhanchhuah hnathawh a awlsam phahin a hriat.
Hetihrual hian tute pawn chhiatna a rawn thlen hian zirbelhtur kan neih nasat zia erawh a langfiah thin a, QRT, SDRF leh Tlangval tlawmngai te ah pawh inzir belh tur tam tak a awmin a rinawm.
Thil pawimawh tak pakhat chu Chhiatna a thlen hian mitinin chanchin an ngaichang thin a, chanchin hreduhte hnena lo hlanchhawng zung zungtur an pawimawh thin.
Chhiatna a thlenin, chhiat tawk, vanduaina tawk leh chhanchhuah ngaite piahlam ah, mipui thlamuante, mipuiin thudik an hriatte a pawimawh em em a, mahni remhriat leh thiam dan dana chanchinlo thehdarh ve hi tlawmngaihna ah kan ngai a nih pawn, thehdarhtur chin leh chinlo hriat a tha a, mipui tichiai zualtu nilova, thudiktak pawh mipuiin an hriat nghalzel hi an tan chiaina leh an himna tiderthawngtu a nih chuan thehdarh zung zung a tulloh chang a awmthei.
Chanchin thehdarh lamah mitin kutah thehdarhna hmanrua a awm lai hian, inkaihhruaina Sorkar leh khawtlangin an siamte zahtak chunga chetlak hi a pawimawha, tullova midang hnena thu rintlaklo thehdarhtu leh tullova midang tichiaitu nih hi thil awltak a ni.