Vawiin Thawhtanni) hian Govt Modern High School Lungtian a Mathematics zirtirtu Pu H.Lalhmingmawia, Govt Aizawl High School a sawn anih chungchangah lungawi lohna lantir in zirtirtu leh zirlaite School kai tur chu Joint Co-ordination Committee Lungtian hmalakna in dan an ni a. Sawrkar a an thilphut ah chhanna an hmuh hma loh chuan kalpui zel an tum.
Joint Co-ordination Committee Lungtian te hian Dt 27.05.2025 khan thuchhuah an lo siam tawh a. Pu H.Lalhmingmawia (Mathematics teacher) sawn chhuahna order sut (revoke) anih loh pawhin a aiawh Regular Teacher (Mathematics teacher) dt 31.05.2025 hma ngeia dah turin Sorkar an phut a. An thil phut chu tun thleng in a hlawhtlinna an la hmuhloh vangin nasa zawkin Sorkar nawrna hi vawiin atangin an kalpui tan a, Sawrkar in an ngenna a tihlawhtling lo anih chuan Dt 12.06.2025 (Nilaini) atangin tiamchin awm lovin kawngpui dan a, total bandh neih an tum
Joint Co-ordination Committee Lungtian ten Govt Modern High School Lungtian a Mathematics zirtirtusawn vanga hma an lakna hian thlawp a hlawh tha a, Lungtian khawtlanga zirna In zawng zawng bakah Revenue & Settlement Office Lungtian, EF & CC Office te pawh khar ani.
Sorkara an thu thlen ngaihpawimawh a nihloh a, a hlawhtlinna an la hmu lo anih chuan an hmalakna hi kalpui chhunzawm zel Joint Co-ordination Committee Lungtian chuan an tum.
Tags
News