.jpg)
LADC a Politics virvel vanga mahni lam indema, Archuktuilo khawpa insawizuina hmuhtur a awm tam viau a, hengmite hi demloh ngawt theihlah an ni heklo.
Democracy in a kentel, a tum nisilo lai hi LADC Politics virvel ah hian kalpui a ni nasa a, heihian mipui aiawha rorelna dawhkan kiltute ah zenghet leh ram veina tak tak pawhpha chiahlo thenkhat te vangin a inher danglam buai buai a, EPL a North London Derby vanglai ang deuhvin an inlehthal tawnsek mai a ni ber.
Mihring hi a huhova awm, kaihhruai ngai a nihvangin dan hrang hrang zawmtur duan a kenkawh a ni a, heng dante hi awmlose, tuna mitha pui pui ni a ngaihte pawh hi khawlo fe fe an awmfur maithei.
LADC a Sorkar inthlaksek pawh hi Member te thiamloh a nihna chu a bulber a nihrualin, Sorkar nghialnghet a dintheih nan Member te an duhna lam lama an insawnkual khapna dan a awmloh vang a ni ber a, Central YLA rorel inkhawm ah Anti Defection Law a awmtheih nan hmalak tha an ti hi a lawmawm a, he dan neih hi buaina tamtak sutkianna hmanraw tha ber a ni.
Tuna a nih ang ang hi chuan a hungna awmlova ranrual tlattir ang deuh an ni a, chawtha awmna lam ni a an ngaih ah chuan an intlat pawlh nuai nuai a ni ber a, hruaitute hi dem chiam chiam hi a chinfelna a nilova, mahni mawng hlimna mai a ni. A danna dan neih thuai atha ber.