CADC a VC Inthlanpui ah BJP in VC 64 lain VC Seat 304 an la.

Chakma Autonomous District Council (CADC) huamchhunga Village Council (VC) Inthlan neih zawh taka vote tla te chu tluang takin chhiar zawh a ni a. CADC chhungah hian Village Council 88  awmin, BJP-in VC la hnem berin VC 64-ah hnehna an chang a, ZPM-in dawtin VC 12-ah hnehna an chang a, MNF-in VC 8 - lain, Independent-in VC pahnih  an la a, chak zawk hriat lohna VC 2-  a awm.

CADC chhungah Village Council seat - 516  (General - 428 leh Reserved- 88) a awm a. Seat mal anga chhiar chuan BJP in Seat 366 – General Seat 304 leh Reserved Seat 62  lain, seat an la hnem ber a. ZPM in dawtin General Seat 67 leh Reserved Seat 14, a vaiin Seat 81  an la, MNF-in Seat 45 – General Seat 38  leh Reserved Seat 7 lain,, INC in General seat -1  leh Reserve Seat - 1 a vaiin seat 2  lain,  Independent Candidate in seat 22 – General 18 leh Reserved 4  an chang.

Village Council 88 awmna Chakma Autonomous District ah hian VC Inthlanpui hi nimin March 12, 2025 khan neih niin, Vote 82.47% tlain, nizan khan Returning Officer te kaihhruaina hnuaiah Vote chhiar nghal a ni a, Inthlanna buaipuituten vawiin khan Lawngtlai DC Office thlengkimin, inthlanna a lehkha pawimawh leh tuldangte District Election thuneitute kutah an hlanfel.