Vawiin khan Justice Vijay Bishnoi, Chief Justice of Gauhati High Court & Patron-in-Chief, Mizoram State Legal Services Authority chuan Lawngtlai a tlawh.
Gauhati High Court a Chief Justice hian District Jail Lawngtlai a Sepecial Campaign for Old Prisioners & Terminally Ill Prisioner & Skill Development buatsaih a hmanpui a, he Campaign hi Mizoram State Legal Services Authority buatsaih niin, Chief Justice chuan Jail tangten hriselna thatak an neihtheih nan theihtawp chhuah reng a ni a ti a, a thlawnin an hriselna endiksakte, enkawl ngaite a thlawna enkawl an nih thin dante leh damdawi pawh ngaihtuahsak thin an nih thu a sawi a,Jail tangten kut themthiamna an neih theih nan hmalakna pawh kalpui a nih thu sawiin, rintlak leh hmantlak thiamna an neihtheih nan Jail tangte pawn theihtawp an chhuah tul a tih thu a sawi.
He Campaign ah hian Lawngtlai DC, Pu Cheemala Siva Gopal Reddy chuan inlawmna thu sawiin, Justice Michael Zothankhuma Judge, Gauhati High Court & Executive Chairman Mizoram State Legal Services Authority pawhin Jail tangten eizawnna nghialnghet, thiamna rintlak an neihtheih nan a hmalakna kalpui mekte a sawi bawk.
Justice Vijay Bishnoi Chief Justice of Gauhati High Court chuan Jail tangte hmantur Mistiri bungrua a pe a, Jail tangten an thil siam hrang hrang, an mahni tlawhtute chu an hlan bawk.
Tun dinhmunah District Jail Lawngtlai ah hian tang 36 an awm mek.