LADC a Chief Executive Member, Pu C. Lalmuanthanga leh COWokers Project, Germany hotute an inkawm.

Vawiin  khan COWokers Project, Germany thawktu Pu Andreas Und Krista Reppich-te nupa te chuan LADC CEM Pu C. Lalmuanthanga chu Office chamber-ah kawmin, thawhho dan tur thil pawimawh chi hrang hrang an sawiho.

COWokers Project, Germany thawktute chuan, Mizoram chhung, a bikin LADC huamchhung a chengte hian hmasawnna tur thil tamtak an neih thu leh, chu hmasawnna chu hnam ziarang leh nunphung mila kalpui  a nih theih nan leh a chheh vel mipuite tana chhawr tangkai theih ngei hmasawnna anih theihna tur ngaihtuah ho atul thu an sawi a, Chutiang titur chuan, Information leh Data kimchang, ram leilung fate kutchhuak ngei an mamawh thute, Information leh Data hrang hrang an lakkhawmte chu zirchiangin, hmasawn  ngaihna laite a hriat theih dawn a, chu mi titur chuan thawhpui atan LADC Sorkar an beisei tih an sawi.

LADC CEM Pu C. Lalmuanthanga chuan  a theih chin chinah leh dan in a phal chinah LADC chuan thawhpui a  huam thu leh, an rawtna leh an ruahmannate chu LADC mipui tan hamthatna tur a nih thu a sawi a. Hmasawnna rahbi nghet rap tura an tih tur thil pawimawh leh kailawn hmasa zawh tura   an inhuamna leh inpekna ah lawmthu a hrilh.

Pu K. Lalthanzara, Executive Secretary, LADC chuan an hun hlu tak senga LADC an  tlawh avangin lawmthu a sawi a,  Pu C. Lalsawmzuala, Chairman Town Committee chuan CEM hi a tawiawm  a.   COWokers Project, Germany-te hi Rev. B. Zazawna Lai, General Secretary, LIKBK leh Rev. Dr. Hla Aung, Executive Secretary, Global Chin Christian Federation-te bakah University of Cologne, Germany a Professor pakhat in a tawiawm.