Chief Minister Pu Lalduhoma chuan nimin chawhnu khan Lawngtlai thlengin, nizan khan Chandmary Recreation Centre, Lawngtlaiah International Chin Christian Youth Conference 2024 a hmanpui.
Chief Minister hi Lawngtlai Circuit House ah mipawimawh ten lo dawngsawngin, nizan khan khawvel puma Chin thalai intawhkhawmna Lawngtlai a neih chu a hmanpui a, Chief Minister chuan tuna kan luahchin hi kan pi leh pute hunlai atanga kan luahram a ni a, ram hrang hrang India, Myanmar Bangladesh ah te thenhran kan ni a ti a, hun a kalzel a inpumkhatna kalkawng a inhawng chho zel tih sawiin, Myanmar a Chin Brotherhood leh Chinland Council hotute nen tunkar Thawhtanni khan Joint Meeting an neih thu leh an hlimtlangin hmalam a eng viaua a hriat thu a sawi a, Myanmar, Manipur leh Bangladesh atangin tharum thawhna vangin mi sing li chuang Mizoram ah an rawn lut tih sawiin, Chief Minister chuan an ni enkawlna ah Central Sorkar in hma a la nasa a, harsatna an neihloh thu a sawi a, boruak thalo vanga an Inpui Mizorama rawn thlankhawm nimahse, heihi Politics a inpumkhatna kawngzawhna a ni a ti.
Chief Minister chuan Kohhran ah pawh inpumkhatna a thleng mek a, LIKBK chuan Kohhran inpumkhatna kum 25 a lawm ta hiala, Kohhran inpumkhatna ah hian LIKBK chu sulsutu hmasa a ni a ti a, kumin October thla ah Kohhran pariat telna chuan Church Council of Mizoram an din a, Politics leh Sakhuana ah inpumkhatna a thleng chhomek a, heihi a Mission a nih thu a sawi.
Tags
News