Lawngtlai khawpuia Dawrkai ten an Association ruahmanna hnuaiah Faina hnatlang an nei.

India ram pumpuia Faina beihpui thlakna Swachhata Hi Seva 2024 kal zelah vawiin khan Lawngtlai District Merchant Association hmalakna in Lawngtlai Khawpui chhunga dawrkai ten Faina hnatlang an nei.

Lawngtlai District Merchant Association hm,alakna a Dawrkai ten Faina hnatlang an neih ah hian, Lawngtlai Khawpui chhunga Dawrkai zawng zawng ten an Dawr bul leh a chhehvel tifaiin hnatlang hi an nei a, hnatlangte bawlhhlawh tlingkhawm dah khawmna tur hi Lawngtlai Bazar Veng VC te chuan Dawr tinah Carbage bag an pe vek a, heng an bawlhhlawh lakkhawmte hi hmun 6 ah dahkhawmna tur siam niin, LADC a Sanitation Department te chuan an Bawlhlawh paihna Motorin an lakhawm vek a, Bawlhlawh paihna hmunah an paihsak vek bawk ani.

Lawngtlai District Merchant Association hruaitute chuan Faina hnatlang an neih a an mamawh petu Bazar Veng VC te leh an Bawlhlawh paihsaktu LADC Sanitation Department  chungah   lawmthu an sawi a, Faina chu kumtluana kalpui anih theih nan dawrkaite chu an dawr leh a chhehvel vawngfai reng turin an ngen bawk ani.

Tun dinhmunah Lawngtlai District Merchant Association ah hian Dawrkai 273 an in ziaklut  a, Faina hnatlang ah hian an Member nilo Hnamdang sumdawngte pawh an tel vek theih nan hma an la.