Faina lama beihpui thlak kharna chu tukin khan DC Conference Hall, Lawngtlai ah Adviser to Chief Minister, Lawngtlai East MLA Dr.Lorrain Lalpekliana Chinzah hovin neih a ni.
Lawngtlai a Swachhata Hi Seva 2024 leh Faina Hapta kharna ah hian Dr.Lorrain Lalpekliana Chinzah chuan khawpui leh thingtlang lama hmalakna hrang hrang chu chhuanawmawm a tih thu sawiin, sulsutute a faka, faina chu chhunzawmzel ngai a nih vangin tha thlah lova nasa zawka hmalazui turin Sorkar Department, Zirlai naupang leh mipui a sawm.
Swachhata Hi Seva 2024 leh Faina Hapta kharna ah hian Hapta hmanchhunga intihsiakna buatsaiha lawmman latute hnen ah lawmman hlan niin, faina lama thawhhlawk leh thawktha mimal leh pawl leh Sorkar Department te hnen ah ngaihhlutna thuziak hlan an ni bawk.
Swachhata Hi Seva 2024 leh Hapta kharna ah hian Khawpui leh Thingtlang lama faina lama hmalakna kalpui dan kimchang takain kalkhawmte hrilhhriat an ni a, hapta hmanchhungin kawng hrang hrangin hmalak niin, veng thenfai hnatlang chu a langsar ber niin, Thigphun leh Plastic bawlhhlawh thenfai leh bawlhhlawh chhekkhawlna hmun thenfaite, Faina lama intiamkamna neihte chu hmalakna langsar zingah a tel.
Tags
News