Geology & Mining a mithiam ten Lawngtlai leh Sangau a leitlahniam leh hmun himlo zual a ngaihte a hmun ah an enfiah.

Geology & Mining a mithiam ten Lawngtlai leh Sangau a leitlahniam leh hmun himlo zual a ngaihte a hmun ah an enfiah.

Geology & Mining lam a mithiamte hi Pu Benjamin Roluahpuia Geologist chuan hovin, Siaha a leitlakhniamna lai an enfiah hnu ah nimin khan Lawngtlai SP Office bul [The Lawngtlai Post] a leitawlh an enfiah a, tukin khan kum 1995 atanga harsatna lo thlen thin tawhna Lawngtlai-III leitlakhniamna lai an enfiaha, khawl hmanga a theih ang ang an enfiah bakah sample lak ngaite an la a, Pu Benjamin Roluahpuia chuan helai leitlahniam hi a chhungril dinhmun hreturin thuk tak thlenga leiverh a enfiah turin ruahmanna a awm mek niin a sawi.

Geology & Mining lama mithiamte hi LADC a Chief Executive Member Pu C.Lalmuanthanga leh helai bialtu MDC Pu T.Lalengmuana ten lo tawiawmin, CEM chuan [The Lawngtlai Post] mithiam ten a hmunah ngei an enfiah chu lawmawm a tihthu sawiin, Council anga an lo tihve theih a awm chuan theihtawp chhuah an inhuam thu a sawi.

Bialtu MDC Pu T.Lalengmuana chuan helai lei tlakhniamna lai chanchin kimchang takin mithiamte hi lo hrilhfiahin a lo kaihruaia, harsatna thleng thin sutkian a [The Lawngtlai Post] nih thuai theih nan Geology & Mining lama mithiamte hmalakna chuan rahtha a chhuah ngei a beisei thu a sawi.

Pu Benjamin Roluahpuia Geologist chuan Sorkar atanga hmalakna a la awm hma pawn leitlakhniamna laia awmten tuichhe paihna mumal tak an neih tul a tih thu sawiin, tuihawk luankawr mumal zawka ruahman leh In tin in an tuichhe paih te kawrpui lama luanglut tura ruahman hmasak tul a tih thu a sawi.