Chief Engineer Pushpak, Shri Girish Prasad Singh-an Mizoram chhimlam tlawhin hnathawhmek a enfiah.

Fur ruahtui tlak hnu ah Mizoram chhimlam chu October 14 atanga 16 inkar khan   Chief Engineer Pushpak, Shri Girish Prasad Singh chuan tlawhin, 71 RCC   hnathawh  a enfiah.

Chief Engineer Pushpak chuan   71 RCC hotute nen Zawngling-Mawhre-Chapi kawng tlawhin,   kawng siamlai chu a nihdan tur ang taka thawh tul a tih thu leh ruahmanna ang taka hna thawk turin a chah a, chu chuan helai bial mipuiten neitu an nihna ah thatakin hmalakna an tawiawm thei dawn a ni a ti.

Chief Engineer Pushpak chuan 71 RCC hnuaiah  Phura, Lungpuk, Chapi thleng thlenga kawngpui siam zawh thuai a pawimawh thu a sawi a. He  kawngpui te hi siamzawh a nih hun chuan veivahnan a hun tamtak sen thin chu a titlem dawn a, mipuiin a hlawkna nasatakin an tel dawn a ni a ti.

Chief Engineer chuan Official te chu hna a huntaka thawhzawh a nihtheih nan nasa zawka tanla tura chahin, ram bial sik leh sa mila hnathawhtheih hunchhung hmang tangkai turin a chah.

Official te chuan Chief Engineer hi an hna kallai a an thlen chinte, harsatna an neihte hrilhin, sutkian a nih theih nan a ruahmanna an neihte an sawiho.