.jpg)
Tuialhthei man tihsan chungchangah Chief Minister chuan ram tan Tuialhthei leituten pawisa an chhunluh chu tangkai taka hman a nih tur thu a sawi a, enzui pawh an ngam hi a lawmawma, langtlang takin a hmanna pawh tlangzarh a nih ngei beisei ila.
A hranpain Sorkar hian pawisa a nei ngawt lova, mipui chhiah tling khawm hi Sorkar sum hmuhna liantak a ni a, ram hausa ah te hlei hlei hian mipuiin chhiah an chawi hi a tam thin.
Mizoram ang State intodelhlo ah hian roreltu tan hmalak a harna chin a tam ngei ngei dawn, Fapa indang tawhin a Pa hnen ah amah leh a hlawhfa chhawrte, a In leh lo enkawlna turte a kumkhattla tur dilfo sela, mahni a intodelh tumin hma la duh silose, a chawmtu tan pawn a beidawnthlak chin a tam ngawt ang.
Mipuiin ram tan an theih ang ang an thawhve hi ram hmangaihna zia a ni a, chhiah chhunluh hrehna hi mipui lam thiamloh hulhual a ni biklo, chhiah an chhunluh hmanna mipuiin an hriat miau loh chuan, tute emaw nawmchenna leh Bank Account tihmukna emaw tihtlatna a awm phei chuan, chhiah chhunluh hi thil chakawmloh tak a ni ngei ang.
ZPM hian hla key an la sang veng vawng viaua, an hla key lak hi an sak rualpui thei angem tih hi mipuiin an thlir mek a, key sang veh vawha sakrualpui thei tura mipui lamin tangkaina an neih ah tlanchhiatloh phawt hi ram tan ngaihtuahna tak tak sengtu tan chuan thiltih awmtak a ni awm e.