Vawiin khân Joint NGOs Chawngte chuan an khawtlâng mamawh leh harsatna chungchanga hma an lo lâk tawhna kal zêlah Pu Lalduhoma, Chief Minister chu a Office-ah hmuin hmasâwnna duhawm zâwk a thlen zêl beiseiin inkawmna hun ṭha tak an hmang. Joint NGOs Chawngte chuan Chawngte harsatna leh mamawh te thlen thei tûra hun ṭha tak an neih theih avângin Chief Minister Pu Lalduhoma hnênah lâwmthu an sawi a ni.
Joint NGOs Chawngte chuan an hmalâk tawhna bawhzuiin kawng chungchangah PWD Minister Pu Vanlalhlana chu a Office Chamber-ah hmuin an harsatna an sawipui tawh a, PWD Minister Pu Vanlalhlana chuan Joint NGOs Chawngte te thu thlen chu hriatthiampuiin arang thei ang bera hmalâk anih tûr thu a sawi.
Community Health Centre, Chawngte a thawktu indaih lohna leh hmanrua indaih lohna chungchanga hma an lo lâk tawhnaah ataka hlawhtlinna an hmuh chhoh mêk zêl avânga lâwmthu an sawi rualin, tûnkâr Zirtâwpni hian Health Minister Pi Lalrinpuii chu a Office ah hmasâwnna duhawm zâwk a thlen zêl theih nân hmuh leh an tum thu an sawi.
Tags
News