.jpg)
Myanmar ram buai vangin Rakhine State ah nitin mamawh hrang hrang mamawhna a sang a, he sumdawnna hi hun engemawchen chu a inhawng tawh a, Lawngtlai ah pawh kalpui mek a ni.
Sumdawngte chuan an bungrua an hralh theihna tur kawng inhawng hi an bawh mai a ngaia, hetihrual hian he sumdawnna hian enge nghawng a neihtheih tih chu thuneituten an thlira, hmalak ngai a awm chuan hma an lak a ngai thung.
Dan kalha ramri kana rawnlut ramdangmi te khawpui ah zalentakin an chevela, ram leilung faten a hlawkna an tel tho alawm ti a enliam hian nghawng thalo a neih hunah harhchhuahin awmzia a neilo ang tih a hlauhthawnawm.
He sumdawnna hi awmzenei zawkin ramri ah tutemahin dan bawhchhe nasalo zawngin kalpuidan hi thuneitute chuan an hre em em turah ngai ila, a ram leilungfate zawk pawh Non Tribal te nen inpawlh mawitawk lek lek a nih tawh laia, ramdangmi la khawi tel hi he khawpui tan hian a himlo.
Anni hi kan hlau emaw hlaulo emaw lam a nilo, hlauh vanga khawingam a himlova, hlauhloh vanga hnuaichhiah a himlo bawk.
Hun lo awmzeltur thlirin indawrna awmzenei leh tlo, tu zawk zawk tan pawh ngaihngam taka insumdawn tawnna kawng hi tun atanga kalpui a nihloh chuan engemawah tawrhna a thlen palh chuan kan tlai duai tawh ngei ang. Rakhine nen Sumdawnna hi engtinnge nizel dawn ?