Executive Secretary, LADC chuan Lawngtlai Chanchinbumite chu ram leh khawtlang tan an thawhhlawk takzet tih sawiin, LADC Sorkar hmel timawitu an nihna chu an ngaihlu hle tih a sawi a, Social Media thangchho zelah Chanchinbumite chu mipui kawngdika kaihruaitura tan la sauh sauh turin a ngen a, LADC Sorkar leh Chanchinbumiten thawhhona thatak an neih chu nasa zawka chhunzawmzel a duh thu a sawi a, LADC Sorkar chu finchhuah a, dawmngai tamtak a awm thei a, chungah chuan Chanchinbumite chu an mahni finchhuah thin turin LADC a Executive Secretary chuan a sawm bawk.
Inkawmhona hun ah hian LADC a Planning & Development Officer Pu David Zothantluanga chuan tunhnai a Sorkar in Project hrang hrang a siam leh thehluh fel tawh te a sawi a, PMJVK ah Project paruk, Cheng Vaibelchhia 188.36, 16th Finance Commission ah Project 13, cheng Vaibelchhia 179.84 leh NEC ah Project 5, cheng Vaibelchhia 28.94 te thehluhfel a ni tawh a, LADC hnuaia Department hrang hrang ten 16th Finance Commission ah Project hrang hrang an siammek bawk.
MJA Lawngtlai District hruaitute chuan LADC Sorkar in Chanchinbumite duhsakna awmthei ang ang a ngaihtuahsak thin chu lawmawm an tih thu an sawi a, Sorkar in Journalist te tanpuinan a Budget a sum a dahsak thin chu tangkaitaka hmangin, MJA Lawngtlai District Pension Scheme kalpui nan hman thin a nih thu an sawi a, LADC hnuaia Information & Public Relations Department thuamthat chhoh leh hma thar lakchhoh a ni mek chu MJA hruaitute chuan lawmawm an tih thu an sawi bawk.
Pu K.Lalthanzara Executive Secretary, LADC hi Pu L.Z.Tluanga Joint Secretary, Pu David C.Zothantluanga Planning & Development Officer, Pu T.Lalhriatpuia Under Secretary (Finance) leh Pu C.Lawmsangzuala I&PRO, LADC ten an tawiawm.