Lai Autonomous District Council a Executive Member, LAD changtu Pu L.Daniala chuan Faina lama hmalakna chu chawlhsan lova uar deuh deuh tul a tih thu a sawi.
Pu L.Daniala hian vawiin a Lawngtlai Electric Veng ten Faina Hapta hawnna leh khawtlang hnatlang an neih telpuiin, Lawngtlai khawpuiin Faina lama hma alakna chu a hlawhtling chhozel tih sawiin, Faina lama hmalakna chu englaipawha chhunzawm ngai a ni a, chawlhsan chi a nilo a ti a, Fai tura beihnaah midang tan hnawksak leh bawlhhlawh siamtu niloturin mipui a chah a, tanrualna atangin khawtlangin faina lamah hmelthar a hmu ang a ti.
Electric Veng, Village Council chuan Faina Hapta hawnna inkhawm neih zawh hian veng chhungah hnatlang neizuiin, kawngko leh Lungremte, tuihawk luankawr leh thenfaingai ngaimawhawm laite an thianfai.
Lawngtlai Electric Veng Village Council hian In tina sem tur Bawhhlawhbawm an lei chu vawiin khan sem nghal niin, Bawlhhlawhbawm an sem chuan chhungtinte faina lama ngawrh zawka hmalaktirtu nise an duh thu an sawi.
Tags
News