Editorial || RAMDANGMI VANGA BUAINA HI.

Helai Column ah hian ramdangmi vanga harsatna kan tawh a hlauhthawnawm thute, mumal zawka enkawl an ngaihthute, khawpui a himloh thute tarlan a ni zeuh zeuhva, hmalatheitute hmalakna erawh beisei angin a chak lemlo niin a hriat.

District Magistrate in ramri kan a khapa, ramri hnaiah ah phei chuan khuahkhirhna pawh thupek ang chuan a khau viau tura ngaih a ni a, hetichung hian engtinnge ramdangmite hian Lawngtlai khawpui ah chakkhai an lamfo theih a, sumdawnna ah hian awmzeneia ramri a kalpui mai hi a harsa viau zawk tih hi mipui lam atanga zawhna awmthei a ni a, inthlah zalen lutuk hian khawilaiah nge nghawng thalo a neih dawn sawilawk theih a nilo na a, hmanni lawkah pawh tualchhung dawrkai atangin pawisa thahnemtak tlanbopui tuma beih a ni a, nghawng lian zawk pawh a la thleng zel in a rinawm.

Khawilai ramri kana rawnlut pawhnise, kan unaute kan tih chhung hian anni hian unauah minngai ve em tihte hi ngaihtuahtel ila, hetiang vang hi a nih ngei pawh a rinawm, NGO lianber in ramri hung a thlawpna chhan pawh kha.

Mifing chu  thilthalo lo thleng thei lakah a inveng thin a, mi a erawh chuan a tawn bawrha, a tawrh phah thin tih hretute kan ni a, kan thanharhloh chuan khawilai laiah emaw kan tuar chho zeuh zeuh anga, kan unaute kan tih leh kan unaute a kan ngaihloh, kan unaute ai maha huangtaute pawh he ram ah hian an insulpel zut zut reng ang, chutih hun chuan thanharh in awmzia mumal a neihloh palh a hlauhthawnawm.

Tawngpawng hrekbeh lam a nilo, awmzenei inzahtawntak, ramdan bawhchhe silo hian thil kalpui theih hi tamtak a awmthei in a rinawm. Tunge zawhte chu thi awrhtir ang le.