Vawiin khan District Horticulture Office, Lawngtlai ah Sawrkar Flagship programme denchhanin ‘Operation Ginger’ Fehchhuah Runpui Flag-Off na chu Lawngtlai Bawrsap Pu Cheemala Siva Gopal Reddy, hova neih a ni
He hun hi Horticulture DHO, Pu JH Zosiamliana;n a kaihruai a, Lawngtlai District a sawhthing chindan tlangpui a sawi a, tuntum Fehchhuah Runpui ah hian Lawngtlai District a Sawhthing chingtute August thla chhung hian tlawhchhuah vek a, harsatna an tawhte enpuia, a tul angin Sawhthing enkawlnatur damdawi pawh Sawhthing chingtute pek tumin ruahmanna an siam tih DHO chuan a sawi.
Khuallian Lawngtlai DC Pu Cheemala Siva Gopal Reddy chuan State Sorkar Flagship Programme chu thil pawimawhtak, mipui fairelbel nen inzawm a ni a ti a, sum leh pai hailuhna remchang Sorkar in mipui tan a ruahman chu thillawmtak a ni a ti a, a hlawhtlin theihnan Sorkar leh kuthnathawktuten tanrualna tha an neih a pawimawh tih Lawngtlai DC chuan sawiin, Horticulture Department chu sawhthing chingtute kaihhruaitutur ber an nih vangin Sorkar Flagship Programme a hlawhtlin theih nan mawhphurhna liantak an neihte thataka hlenchhuak turin a chah. Khuallian hian sawhthing tam enkawldan lehkhabu a tlangzarh bawk.