.jpg)
Nimin a Independence Day lawmna Central YLA Playground a neih ah khuallian Health Minister chuan a thusawitura ruahman Point 35 zing ah Point 33na a sawilaiin, a taksa a chauh deuh vangin, fimkhur thil ah dawhsan atangin hruaithlak a ni a, kha thilthleng khan Lawngtlai mai bakah Mizoram pum a nghawng nghal a nih kha.
Hetiang hunbikah khuallianten thusawitur an ngah chuan Sorkar a chak tihna a nithei a, chutihrualin a thusawitur lo enfelsaktute an pawimawhzia a langfiah a, khuallian khan a thusawitur kha enlawk emaw pawh a neihman lemlo niin a hriat bawk.
Health Minister hi tun Sorkar ah Minister thawkrim leh ti mai mailo tak a ni tih a chianga, zinkawng thuitak zawhin, Lawngtlai lam ah tihtur tamtak a neizui bawk nen, a chau rimtawng, zing nichhuak khawlum uap chu a taksain a zolo niber in a langa, a thusawitur a sawizo hman deuh vekte, taksa chau chung chunga huntawp thleng a awm hram hramte kha a fakawm khawp mai.
Health Minister chauh thutna chhan hi khawl nen tangkawpa mumal taka finfiah ninghallo mahse, Official ten an sawidanin chauh tawngkhawng vang a ni a, ram tana thawktu, a chauh tawngkhawng vanga a thusawitur sawizo theilo hial a awm hi a chhuanawm a, ram hmangaihtu inti thenkhatte an thau tual tual laiin, Health Minister hi mipui lam tan thlamuanpui tham Minister a ni ngeiin a rinawm.