.jpg)
Lawngtlaiah hian khapna thupek eng eng emaw hriattur a awm reng a, Krismas vuakvetah halpuah lam chi hal pawh khap a ni fova, zawm a hlawhloh zia hretu chu mipui an ni. Ui chhuah khap a ni a, a hlawhtlinglo tih a chianga, chutiang bawk chuan thildang pawh sawizui duh tan sawizui tur a awm nual thei ang.
A huhova kan nunna ah, tihtur leh tihloh tur awmsa mahse, pawisak neilote vangin nunhona a buai fova, heivang hian thuneituten tihlohtur an ruahman thin a, mitha pangngai tan khapna thupek hi chhuah a ngailo, duhamna vangte, midang pawisaklohna vangtein dan bawhchhia an awm thin a, heng mite hian hremna an tawk thinlo lai hi khapna thupekin awmzia a neilo anga a lanna a ni fo thin.
Thataka mahni ui vulh enkawltu an awmlaiin, thlahdah taka ui vulh hmuhtur an awm thung, a rualkhai tak tak theilo. Lirthei dah phallohna hmuna dahlui tlat nitin an awm, dan zahtaka zawmtute chu zawmlo aiin an tamzawk fe thung.
Khapna thupekte hi mitinin an zawmtur a ni tih sawinawn a ngai hran lova, zawm a hlawhloh hian thupek chhuahtu lam dem ngawt a fuh ber lova, thupek chhuahna huamchhung ami ten dan an pawisakloh zia tilangtu a niin, tualchhung mite nun pawlawhzia tilangtu a ni mah zawk.
No Parking tih intarna bulah nilengin Traffic Police an dingreng theilo, phalloh leh tihlohtur awmsa hi tilo mai ila, tute emawin an man kher phut tlat hi khua leh tui thate tihtur a nilova, chutihrual chuan khapna thupek chhuah si a, bawhzuina awm miahlo erawh, dan anga thiam chan nan a mipui laka an tihtur a mawiah hlenchhuah tumna mai ah ngaihtheih a ni ang.