Lai Students' Association, General Headquarters hruaituten Adviser to C.M Dr.Lorrain Lalpekliana Chinzah hmuin, Zirnain hma a sawntheih nan hmalakna te an sawipui.

Vawiin khan Lai Students' Association, General Headquarters, Lawngtlai hruaituten  te   Adviser to Chief Minister , Dr.Lorrain Lalpekliana Chinzah chu a chenna an In ah hmuin  Zirlaiten harsatna an tawh hrang hrang  an sawipui.

Lai Students Association ten a hnena an lo thlen tawh chungchangah Dr.Lorrain Lalpekliana Chinzah  chuan Gov't. Lai High School, Vawmbuk  bik ah  Mathematics Zirtirtu chu Samagra atangin Pu. J.Rohnuna  Vawmbuk khua dah a nih thu a sawi a

 
Education Minister hnena ngenna an lo thlen tawh angin Gov't. Ramthar High School, South Lungpher ah Mathematics zirtirtu dah thuai a nih theih nan  Lai Students Association chuan Lawngtlai East bialtu MLA hi an ngen bawk.

Gov't. Lawngtlai College ah Political Science  Zirtirtu  indaih loh chungchang pawh Zirlai pawl hruaitute hian Adviser to Chief Minister hi an sawipui bawk a, Siachangkawn a RMSA Zirtirtu boral, hmunruak   hnawhkhah loh pawh hnawhkhah thuai an duh thu an sawi.

Adviser to Chief Minister Dr.Lorrain Lalpekliana Chinzah chu  Lai Students Association ten zirnain hma a sawntheih nan a ngaihpawimawh an neihte chu a hlawhtlin theih nan theihtawp chhuaha bawhzui a tum thu a lo hrilh a, Zirlai pawl hruaitute chu Lawngtlai East MLA  hnena an thlente a lo bawhzui dan leh hmachhawp a neihah te thlamuanthlak an tiin,lawm thu an hrilh.