LADC a CEM in a enkawl EF&CC Department hotute a kawm.

Vawiin khan  Lai Autonomous District Council a Chief Executive Member Pu C. Lalmuanthanga chuan, a Department enkawl,  Environment, Forest and Climate Change, Department hotute a kawm

CEM chuan   Environment, Forest and Climate Change, Department  a thawkten thawhhona tha, tanrualna duhawmtak nen hna an thawk thin tih a hriatthu sawiin, Department a thawktu zawng zawng chungah lawmthu a sawi a, ram leh hnam tan theihtawp chhuah chhunzawm turin a chah.

Pu C.Lalmuanthanga chuan LADC Sorkar chuan Sorkar atanga sum a hmuh piahlamah sum hailuttura nasa zawka tanlak a mamawh hle tih sawiin,  Environment, Forest and Climate Change, Department chu chhiah lakkhawm kawngah Department thawhhlawk tak a ni chu chhuanawm a tih thu a sawi a, tuna a an thlenchin piahlam ah chhiah tamzawk hailuttura tanla turin thawktute a chah

Pu C. Lalmuanthanga, CEM chuan,  Environment, Forest and Climate Change, Department chuan ram leilung, ramngaw leh nungcha humhalh kawngah tanla sauh sauh turin a fuiha, kumtina Thing tiak phunbelh thin an enkawlzui thin pawh chhunzawmzelturin a chah bawk.

Environment, Forest and Climate Change, Department  hotute chuan an Department hmalakna tlangpui leh mamawh an neihte Chief Executive Member hnenah hian an thlen a, CEM chuan a tul anga lo enzui a tum thu a hrilh.

CEM hi Pu H.Lalmuansanga Dy.Chairman LADC in a tawiawm a, Department lam hi Pu K.Lalromawia DCCF in a ho.