Lawngtlai District Magistrate Pu Cheemala Siva Gopal Reddy chuan nimin khan thenawm rama buaina a chhuah vangin ramri a kenkawhtur khapna thupek a chhuah.
District Magistrate in thupek a chhuah ah chuan Bangladesh ah buaina nasatak a chhuak ni a hriat a nih thu tarlangin, Lawngtlai District chhunga Bangladesh leh Myanmar ramri, Kilometres thum huamchhung ah tlai dar 6 leh zing dar 6 inkar ah teivah a khap a, Ran khalhluh leh khalh chhuah khap a ni a, Lirthei engchimah veivah phal a nilo bawk. Thupek hian thlahnih chhung a huam dawn a, thupek zawmlote chu hrem an nihtur thu District Magistrate in thupek a chhuahah hian tarlan tel a ni.
Sorkar in a chhinchhiahdanin Lawngtlai District hian Bangladesh nen ramri intawm Kilometres 148.14 neiin Myanmar nen ramri intawm Kilometres 57 a nei a, Bangladesh ramri hi thuitak hung a ni tawh a, Myanmar ramri erawh hung a nilo.
Tags
News