LAWNGTLAI DISTRICT PETROLEUM DEALERS
JOINT STATEMENT
No – 2
Dated Lawngtlai, the 2 nd August, 2024
1. Dt. 24th July, 2024-a joint statement kan chhuah bawhzuiin Dt. 25th July, 2024 khan DC, Lawngtlai hovin Lawngtlai khawchhunga NGOs aiawh, kohhran aiawh leh sawrkar hotute nen meeting neih a ni a. Boruak muanawm tak hnuaiah thil hrang hrang sawi ho niin Lawngtlai District Petroleum Dealers-ten keimahni leh kan customer tena harsatna hrang hrang kan tawhte sawi ho a ni a. Heng harsatna kan neihte hi a theih dan ang anga min chinfel sak tura hmalak an tum thu kan hriatin a lawmawm kan ti hle.
2. Meeting minutes (Memo No.A.48011/1/2023 (NGO)- DC(LTI) Vil-I Dated Lawngtlai, the 25th July, 2024) hi Dt. 25th July, 2024-ah tihchhuah nghal a ni a. Minute-a tarlan point no 3 ah hian “Petrol la thinte zingah barrel 5 aia tam la turte chuan Deputy Commissioner’s Office atangin permit lak zel ni se, permit nei motor-te chu CYLA duty ten dan loh nise” tih ziak a ni a, heihi keini pawhin kan pawm dan leh hriat dan a ni. Amaherawhchu, Dt. 26th July, 2024-ah he meeting minute hi tih danglam leh thut niin, “Petrol la thinte zingah barrel-a la turte chuan Deputy Commissioner’s Office atangin permit lak zel ni se, permit nei motor-te chu CYLA duty ten dan loh nise” tiin thlak leh nghal a ni.
3. Meeting minute siam that anih dawn hian Petroleum Dealers lam biak rawn emaw hriattir emaw kan ni ve lo hi a tha lo kan ti takzet a. Minute siam that anih thu hi hrilh hriat kan nih ve loh avang leh engmah kan hriatpui loh avangin minute siam thatna hi kan pawm lova. Chuvangchuan, customer barrel 5 aia tam oil la turte chuan Deputy Commissioner’s Office atanga permit la hmasa tur leh, permit neilo te chu barrel 5 aia tam kan pe thei dawnlo a ni tih kan inhriattir nghal bawk e.
4. Statement kan lo chhuah tawh angin Dt. 29th July, 2024 atang khan oil kan chah belh tawh rih loh avangin tunah hian Lawngtlai District chhunga Filling station-te chuan oil stock kan nei tam tawhlo hlawm hle a ni. Amaherawhchu, sawrkar hotute, all NGO hruaitute leh kohhran hruaitute min ngenna a zahawm kan ti a. Tin, duhsak taka min dawr thintu mipuite tan hun rei tak harsatna siam sak hi a tha kan tih loh avangin leh harsatna kan neih thenkhatte chin fel anih theih dawn avangin Dt. 2nd August, 2024 atang hian Lawngtlai District Petroleum Dealers te chuan dan pangaiin oil hi chah chhunzawm leh tawh ni se kan ti.
5. Sawrkar, NGO leh pawl hrang hrang ten ram leh hnam a him theih nana theihtawp an chhuahna te leh hma an lakna te hi a lawmawm kan tiin kan thlawp tlat a. Mipui min dawr thintu te pawh dan lo anga oil hralh leh lei kawngah inhnamhnawih lo hram turin kan in ngen bawk e.
6. Tun hnuah Lawngtlai District Petroleum Dealers ten emaw kan customer ten emaw rorelna dik lo leh felhlel awm thin avanga harsatna kan tawk leh anih chuan kan thlir liam mai mai dawn lova, kan dikna chanvo humhim turin theihtawpin hma kan la zel dawn a ni.
Issued by:
1) MIZOFED Filling Station
2) Mavula Filling Station Lawngtlai Lawngtlai
3) Lyno Filling Station
4) F.Rothuama Filling Station Bungtlang (South) Lawngtlai
5) BZ Filling Station
6) B.Sangchem Filling Station Sanga