Central YLA chuan Myanmar ram ah dan kalha Oil thawnluh an remtilo chhunzawmzel a, vawiin khan YLA Diltlang Sub-Hqrs duty chuan Lirthei pahnih atangin Diesel barrel 19 an man a, Diesel phurh nan a motor hman hi YLA hruaituten an sawidanin MZ 05B 0981 (Yoda) leh MZ 02C 2772 (Pickup) niin, Motor neitu hi Luangmual, Lunglei ni a sawi a ni a, Diesel hi Lunglei atanga phurh niin, Chawngte paltlangin Diltlang lam ah kalpui a ni a, YLA Duty ten an lo man a, Myanmar a hralhtur ngei a ni tih YLA hruaitute chuan an sawi.
Diesel an man te hi Police Beat Post, Diltlang ah dahthat niin, a phurhna Motor leh Driver te erawh chhuah zalen an ni.
Dankalha Oil phurh man a nih chungchangah YLA Diltlang Branch hruaitute, Village Council Diltlang leh Diltlang Police te an tangrual tha hle a, YLA Sub Hqrs. Diltlang chuan an chungah lawmthu an sawi.
YLA Diltlang Sub-Hqrs chuan Ram leh Hnam humhalhna kawngah te, Ruihhlo dona kawngahte theih tawp chhuahin hma a la zel dawn tih an sawi.
Tags
News