Central Young Lai Association chuan dan kalha Myanmar a Diesel leh Petrol hralh a nihloh nan hma an lakna chu kalpuizel a ni a, zanin hian Diesel phur Tanker pahnih chu venhimna hnuaiah chhuah niin, Tanker te hi Siaha panpui mek a ni.
Lawngtlai bul 71 RCC Camp piaha YLA leh Police Duty na hmun ah Tanker pahnih, Diesel phur AS -01 DC-6111 (Emanuel Pump Siaha) leh AS 11-DC-6164 (J Rama Pump Siaha) te chu duty ten ngun taka an lehkhate an enfel hnu ah, Myanmar lama chheprelh tur nithei a ngaih a nih loh vangin chhuah an ni.
Engemaw palh ah heng Diesel phur Tanker te hi an dahna hmun an thlen hma a khawih chingpen palh hlauhthawn thil ah venhimna hnuaiah kaltir niin, Lawngtlai Police ten Kawlchaw thleng an veng dawn a, Kawlchaw atangin Kawlchaw a Police duty ten Siaha a an dahna tur hmun thleng an veng thung dawn a, heng Tanker pahnihte hi zanin dar 9:40 khan Duty Post atangin chhuah an ni a, YLA Duty ten DCSO Siaha hnenah mumal takin an hrilhhre bawk.