Chawngte a Joint NGO thukhawmin hmalakzui dantur an rel. Chawngte a Police Constable awmchhun hmundangah sawn ani.

Vawiin  khan Joint NGO Chawngte chuan meeting neiin, May Ni.8 & 9, 2024 a Health Minister, PWD Minister leh Home Minister hnena Chawngte khawtlang harsatna leh mamawh an thlen te, thla hnih hnu ah pawh chhanna an la hmuhloh avangin hmalak zel dan tur an rel.

Meeting ah hian May 8,2024  khan Health Minister hnena Chawngte CHC a MBBS pakhat leh X-Ray Technician awmlo chungchang leh, hriselna kawnga chawngte khawtlang hmasawnna tura thawktu dang indaih lohna te thlen anih thu sawi  a ni a. Health Minister hnena thu an thlen hnu ah pawh Health Department hnuaiah Doctor 35 appointment pek thar an awm thu leh Chawngte CHC a MBBS lak thar dah an ni velo chu a pawi an ti a, thawktu dang leh hmanrua leh lirthei mamawh an thlen te pawh pakhat mah pek an nilo tih sawilan a ni.

May 9, 2024 ah Joint NGO Chawngte hian PWD Minister leh Home Minister pawh hmuin, PWD Minister hnenah hian Chawngte khawchhung kawngsiam mek chungchang an thlen a, a bikin Chawngte C khawchhung kawng vawiin thlenga siam that ala nilo chu a pawi an tih thu an sawi a, , Chawngte C leh Chawngte L khawchhung kawng la siam zawhloh te chu a hma thei ang bera siam zawh anih theih nan a hmalak zel dan tur meeting ah hian an sawi.

The Lawngtlai Post thudawnnain a sawidanin, Home Minisiter hnenah Chawngte Police Station a thawktu indaihlohna an thlen tawh thu meeting ah hian sawi ni in, thawktu dahbelh aia, constable awmchhun June 25, 2024 a Mizoram sorkar in a sawnchhuak chu apawi an tih thu sawiin, Chawngte khawtlang zahlohna ah an ngai tih meeting ah hian an sawi bawk.

Joint NGO Chawngte hian Minister pathum hnena an thu thlen te bawhzui leh tihhlawhtlin sak an nihloh avangin, Press conference Dt.18.7.2024 Thursday hian Lawngtlai Press Club ah neih nise an ti a, he press conference ah hian Joint NGO Chawngte Resolution puanchhuah nise an ti a, Joint NGO Chawngte Meeting ah hian YMA Chawngte Group, YLA Sub Headquarters Chawngte, MHIP Chawngte ‘P’ Branch bakah Chawngte P Thalai Pawl, Mizoram Chakma Students’ Union (Central), Central Chakma Mahila Samiti, Central Young Chakma Association leh Lawngtlai District Students’ Association aiawhte an tel a ni.