Vawiin khan Lawngtlai Police ten kum 2023-2024 chhunga The Narcotic Drugs and Psychotropic Substances Act (ND&PS Act) hnuaia ruihhlo an man International Market a hralhna ang a chhuta Rs. 3,40,800/- hu chu an tichhia.
Vawiin hi International Day Against Drug Abuse and Illicit Trafficking a ni a, hemi denchhen a Ruihhlo tichhiatte hi Opium Kg 2.355 Rs. 1,41,300/- man, Heroin Gram 49 Rs. 1,47,000/- man hu leh Ganja Kg 10.669 Rs. 5,2500/- man hu te niin, District Hospital Lawngtlai nen tangkawpin heng ruihhlo te hi tihchhiat niin, Hospital lamin damdawi hmanga chiahin, a tihralna hmun ah an tiral nghal.
Ruihhlo tihchhiatna ah hian Lawngtlai DC Pu Cheemala Siva Gopal Reddy pawh telin, Lawngtlai SP Pu Lokeshwaran R leh District Hospital Medical Superintendent Dr.Richard Lalrinmawia Ralte ten an tel bawk.
Tags
News