June 1
Bangladesh, Chittagong Hills Tract a tlangmi ten thuneihna sang zawk an ngiat vanga Bangladesh Sipai leh Kuki Chin National Army te inbeihna nghawng kalzelah nimin khan Bangladesh atanga an sahimna zawnga tlanchhia, mi 163 ten Chamdur 'P' , Lawngtlai District an lut.
Tuntuma raltlan rawn lutte hi Puitling Mipa 57,Hmeichhia 48 leh Naupang mipa 29 Hmeichhia 29 an vaiin 163 niin Chhungkua 41 an ni.
Heng an sahimna zawnga Lawngtlai District a lutte hi nimin chawhnu dar 2 vel khan Mautlang, Lawngtlai District ah lutin, Chamdur 'P' khawtlang hruaituten Chamdur 'P' ah Motor in an hruaia, a theih ang angin an eitur leh riahna turte an buaipui.
Tun dinhmun ah Chamdur 'P' ah hian Bawm raltlan chhungkua 74 Members 291 an awm mek.
Sorkar chuan thil awmdan a theih ang anga vilin a enchiang mek.
Tags
News