Vawiin khan MBSE in HSSLC 2024 results a tihchhuah a Laifa top 10 a lang mi pahnih bakah Lawngtlai District chhung a school pakhat chawimawina hun Lai Students' Association
General Headquarters, Lawngtlai buatsaihin Central YLA Hall, Lawngtlai -III ah a hman a ni. He hun hi Pi B. Malsawmtluangi, Addl. DC, Lawngtlai chuan khuallian niin a hmanpui.
He hunah hian top 10 a langte F. Lalneihpuii D/o F. Lallawmsanga (Top 6 Arts) leh Elizabeth Lalthanpuii D/o Rev. V. Suikharliana (Top 9, Arts) hnenah Citation leh Cash Award hlan an ni a, Don Bosco School, Lawngtlai hnenah Top 5 Arts zirlai an neih avanga lawmpuina thuziak hlan a ni bawk.
Khuallian Pi B. Malsawmtluangi chuan, ''Zirnaah rual kan el lehzual a ngai a, Laifa te hian finna leh theihna neiin midang te nena kan awmhona ah pawh a langsar leh kawlhrawng kan nih thin ang in zirna ah pawh midangchunga awm thei turatanlak a ngai a ni, a ti.
Khuallian chuan tum fel tak neiin lehkha zir ila, state sawrkar office hrang hrang ah tepawh hnathawk awm vek i tum ang u" a ti bawk.
He hun hi Tumbikcheua, Vice President in kaihruaiin Pu. F. Chanliana, Sr. Adviser in hunserh a hmang. Eric Lalliankima, Treasurer in kalkhawm te lawmna leh inhmelhriat tirna neiin Nula F. Lalramhnaii, GHEC member in zaiin kalkhawm te a awi. MC. Vanlalrova Lai, General Secretary in thusawina hun a neih zawh ah Thomas Rosangzuala, AGS in chawimawina thilpek hlanna a kaihruai a, Khuallian in thu a sawi zawh ah Lai Woman Association lam in thusawiin, Pu. B. Zomama, Finance Secretary in lawmthu sawiin hun a khar.
Tags
News