.jpg)
Hnam chak leh hmasawn leh changkang hmasa ten, hnam tenau zawk, hnufual zawkte an chimral hi khawvel kalphung a ni a, thenawm State ah chiangtakin hmuhtur a awm, Assam leh Meghalaya ah te.
Mizoram a ADC te hi hmasawnna ah hnufum zawk, District dang phalo a ni a, ADC ah te hian hnam tenau zawk engemawzat chengin, hnam hlawm lian Lai, Mara leh Chakma te tan pawn inchimralna hi hmalam kum tamvakloh ah a nasa viau tawh maithei, tun ang renga kan kal chuan.
Non Mizo, Indian nithosi, Vai kan tihte hian Lawngtlai khawpui bik chauh pawh hi thlir ila sumdawnna lian an keipui sahauh emaw tih maitur a ni a, Tuichawi atanga sumdawnna lian thlengin Vai tellohna hmuhtur a tamlo ang, henghi a ram leilungfate hian ti theilo a inngaihna a awm nge ni a, thatchhiatna bawi in a tuam tih pawh hriat hran a har a, Vai tello hian khawpui nunphung hi a khaihlak a ni ber in a hriat. Anniho bakah hian Foreigner engemawzat awmmek te hi ngaihthah chi an nilo ang.
Harh a hun tihfo hi a hlut viau rualin, harh tumna a awm siloh chuan thlalera aurawl ang chauh a nihna chin a awm a, Abdula te Ali te zing dar 5 ah thovin an chhungkaw chawmna atan hna an thawhtheih chuan, a ram neitu zawk hi engvanginnge kan mutreng bik ang, kawng engkima zirna a pawimawh kan tih rual hian, inchimralna laka himtur hian zirna piahlamah ram leh hnam hmangaihna hi mipui thinlungah nasa zawka tuh a tul, chu chu he ram leh hnam damna bultannan a hmanrua pawimawh tak a nih a rinawm.
Chimral hlauhna hi ataka kalpui a ngai a, kan thutna ngaia kan thutreng chuan, kan duh emaw duhlo emaw, inchimralna nasa zawk hi kan banphak mai ah a awm reng a nia.