Election Commission of India (ECI)-in Lok Sabha Inthlanpui, 2024 lo awm tura vote thlak tura polling station pan thei lo tur (absentee voter) - upa kum 85 chung lam leh vohbik te tana postal ballot hmanga mahni in chhung luma vote thlak theih dan (home voting) a ruahman angin Lawngtlai District chhunga assembly bial pathumah vawiin atang khan absentee voter-te'n postal ballot hmangin vote an thlak tan.
In lama vote thlak tur absentee voter-te vote thlaktir turin Tuichawng leh Lawngtlai West bialah mobile polling team pakhat ve ve leh Lawngtlai East bialah mobile polling team pahnih siam a ni a. He'ng mobile polling team-te hian vawiin at
ang khan Lawngtlai District chhunga kum upa leh vohbik mahni in lama vote thlak turte chu an inah kal chilhin postal ballot hmangin vote an thlaktir a. Home voting hi April ni 13, 2024 thlenga kalpui tura ruahman a ni.
Tuichawng bialah home voting dil 23, Lawngtlai West bialah 22 leh Lawngtlai East bialah home voting dil 99 an awm a. Lawngtlai District-ah a pum puiah home voting dil 144 (senior citizen 140 leh PwD 4) an awm.
He'ng bakah hian Lawngtlai District atangin essential service atanga postal ballot-a vote thlak dil 26 awm bawkin, an zinga mi pasarih chu Lawngtlai District chhunga vote nei an ni a. April ni 8 atanga April ni 10 chhungin chawhma dar 10 leh chhun dar 12 inkarah vote thlak theihna hun hawn mek a ni bawk.
Tags
News