.jpeg)
Vawiin khan Lawngtlai DC Conference Hall-ah Lok Sabha Inthlanpui 2024 atana Mizoram Parliamentary Constituency chhunga Police Observer atana ruat Pu K. Satyanarayan, IPS leh Expenditure Observer Pi Anita Rinesh, IRS te hovin Lawngtlai District leh Siaha District-a official-te leh political party ai awhte nen inpuahchahna hrang hrang thlir hovin meeting buatsaih a ni.
He meeting hi Lawngtlai District Election Officer Pu Cheemala Siva Gopal Reddy, chuan kaihruaiin, Lok Sabha Inthlanpui lo awm tur atana Lawngtlai District leh Siaha District inbuatsaihdan report ngaihthlak a ni.
Police Observer Pu K. Satyanarayan leh Expenditure Observer Pi Anita Rinesh te chuan Inthlanpui atana inpuahchahna chu tha thawkhata an hriat thu sawiin, DEO leh election official-te leh mawhphurhna hrang hrang neite hnenah an thawh rimna leh inpekna avangin lawm thu an sawi bawk a ni.
Police Observer Pu K. Satyanarayan chuan Mizoram chu state ralmuang leh a mi chengte pawh dan zawm tha an nih avangin inthlan muanawm leh felfai tak a awm leh ngeia a rin thu sawii
Expenditure Observer pawhin inthlan felfai leh thianghlim a awm theih nan candidate-te chet velna leh sum hman dan chu uluk taka vil a tul thu a sawi.