Lai Autonomous District Council Day pualin tukin hian Faina hnatlang Lawngtlai ah neih ani.

Vawiin hi Lai Autonomous District Council din champha vawi 52 na a ni a, LADC Day pual hian tukin zing khan Faina hnatlang neih a ni.

Lai Autonomous District Council hnuaia thawkte chuan tukin zing khan Lawngtlai khawpui chhung fangchhuakin faina hnatlang an nei a, kawngpui kama bawlhhlawh te chharkhawmin, LADC hnuaia Sanitation Department lamin bawlhhlawh chharkhawmsa chu a paihna hmun ah an paih nghal.

LADC hnuaia Department hrang hrangte chu Lawngtlai khawpui chhung an thenfailai tur chan insemin National Highway dung bak ah kawngpui pawimawh zual, DC Office leh District Hospital panna kawng, Christian Hospital panna kawng leh LADC Office panna kawnga bawlhhlawh te  hnatlanga chhuakte hian an chharfai.

LADC Day denchhena Faina hnatlang nei hi LADC enkawl lailawktu (Caretaker) Lawngtlai DC Pu Cheemala Siva Gopal Reddy pawn a telpui.

Kum 1972 a Mizoram Union Territory a hlankai a nih kum khan Mizoram chhimlam a Pawi-Lakher Regional Council huamchhungah  District Council pathum,. Lai, Mara leh Chakma Autonomous District Council a lo piang a, kumtinin April Ni 29 hi Lai Autonomous District Council chuan LADC Day atan an hmang thin.