BJP President in MDC te LADC a BJP Sorkar dinpuiturin a sawm.

  Mizoram State BJP President Pu Vanlalhmuaka chuan vawiin khan Lawngtlai Press Club ah thutharthehdarhtute kawmin, Lairam ah hmasawnna tluantling a luanluh theihnan LADC a MDC te chu BJP Sorkar dinpuiah a sawm a, MADC ah BJP in rinna a nghah ngam vangin hmasawnna luangluttur tamtak a awm mek a ti.

BJP, MP Candidate Pu Vanlalhmuaka chuan Lok Sabha inthlanpuiah thlantlin a nih chuan Mizoram tan awmzenei tham hmasawnna hailuh chu a tan thilhar  ani dawnlo tih sawiin, Central ah BJP bak sorkar tur an awm rih lova, Mizoram ah BJP  Candidate thlantlin a nih chuan a diltu nilovin, a petutur Sorkar neitu a nih dawn vangin Mizoram tan engmah thil harsa a awmdawnlo niin a sawi.

Zawhna chhangin Pu Vanlalhmuaka chuan Mizoram leh Assam ramri chinfel nan We Shall Kill them all tih chu a chinfelna a nilo tih sawiin, dawhkankila, awmzeneia kalpui tul a tih thu a sawi a, Mizo Kristian ten BJP chu insawithaihnan kan hman chhan chu BJP lianzel tur dona mai a ni a, India chu Hindu ram nisa a ni a, a hranpaa Hindu ram din tulna a awm lova, Kristiante chuan Hindu hlau tawk lek rinna kan neih kalsanin engkimtithei kan Pathian ah rinna kan nghah ngam zawk a tul a ni a ti a, Kristiante tan Pathian lalram dinna tur pawn BJP, MP Mizoram in a neih a tul a ni a ti bawk.