Tukin zing khan Lawngtlai DC, Pu Cheemala Siva Gopal Reddy, Caretaker, Lai Autonomous District Council chuan, Lawngtlai khawpui chhung faina leh thianghlimna kawnga hmasawn dan tur leh LADC Sanitation Department hmalakna te, veng hrang hrangah kalin a en.LADC Caretaker chuan, Lawngtlai khawpui thianghlimna kawnga hmasawnna leh in enkawlna felfai zawk neih a duhthu sawiin, ram mipuite hriselna leh thianghlimna kawngah hma kan sawn ṭul atih thu a sawi a. Mipui lam pawhin Sorkar hmalakna ṭawiawm a, Khawpui vawn thianghlimna kawngah kan ṭanho aṭul a, Dawr leh leh ei-leh-in zuartute pawhin, an thil zawrhte uluk tak leh thianghlim taka an enkawl ṭul a tih thu a sawi.
Tun dinhmunah LADC Sanitation Department hmalakna chu ṭha viau mahse, tih hmasawn erawh a ṭul tih sawiin, thil ṭul leh pawimawhte a enkawltu Department-te nen la sawiho a hmalak ṭha atih thu a sawi bawk.
LADC Caretaker hi, Pu HC. Vanlalruatpuia, Senior Sanitation Officer, Pu C. Lawmsangzuala I&PRO, Pu Malsawmtluanga Hlawnchhing S.E. PWD, LADC te’n an ṭawiawm.
Tags
News