Sangau HSS Science Stream ah hian Lecturer panga (mipa 3, hmeichhe 2) an awm mek a, kum 2024-2025 session tan rual hian Science zirna hi tan nghal tur a ni a. Pu Alex Lalzawmpuia hi Pi Vanhlamawii APO in a rawn tawiawm bawk.
Hawnna hunah hian Rev H. Lalsangvunga, LIKBK in hunserh a hmang a. Khawtlang hruaitute atangin YLA Sub-Headquarter Sangau Secretary Pu LZ Ringlawt, Sangau II VCP Pu F.Lalsangzela, Pu K Suiawr, Govt High School Sangau Headmaster te an rawn tel bawk.
Pu K. Suiawr leh Pu F.Lalsangzela te hnen atangin thusawi ngaihthlak a ni bawk. Sangau Higher Secondary School (SAMGRA) hi 2020 ah din tan niin tunah hian Arts stream leh Science stream ah Lecturer 11 an awm mek a ni.
Sangau ah hian Higher Secondary School pahnih a awm mek a, Higher Secondary School (SAMAGRA) leh Blue Mountain Higher Secondary School Sangau (Provisional Lumpsum Grant in aid) te an awm mek a ni.