Lawngtlai ah Chapchar Kut hlim takin Kut Pa, Lawngtlai DC hovin hman ani.

Hmundang ang bawkin vawiin khan hlimtakin Lawngtlai DC Office tual ah Kut Pa, Lawngtlai DC Pu Cheemala Siva Gopal Reddy hovin Chapchar Kut hman a ni.

Chawhma dar 11 atangin Kut tan a ni a, Capt. George Lalramnghaka Commanding Officer Salvation Army chuan Pathian hnen a inhlanna hun hmangin, Kut  thlengtu MUP President Pu H.Liantluanga'n Kut tura kalkhawmte lo lawmin, Kut Pa, Lawngtlai DC, Pu Cheemala Siva Gopal Reddy chuan Lawngtlai District mipuite Chapchar Kut chibai bukin, Mizo te chu hnam huaisen leh hlim, ram leh hnam humhalh nan a theihtawpchhuah thin, nunzemawi tak nei an nihna chu hnam ropui zia a ni a ti a, Pi leh Pu ten heram hi humhalhin he hnam hi an humhima, a zar zotuten duat taka enkawl zui a ngai a ni a ti a, thalaite ruihhlo leh Social Media thang mekin a tichhe nasa tih sawiin, Zirna chu kawng engkima hmasawnna thlentu a nih vangin   uar leh nasa zawka ngaihpawimawh tul a tih thu a sawi.

Chapchar Kut Lawngtlai a hmanna ah hian tualchhung zaithiam ten kalkhawmte an awi a, hnam ziarang pholang thei lam leh lemchante entir niin, Miss, Litle Miss leh Mister thlan a ni.