Vathuampui a khawsa mipahnih luikal Savawm in a seh.

Nimin February Ni 23 khan Lawngtlai District Vathuampui khuaa mipahnih  Lui kal chu Savawmin lo beiin, an taksa hmun engemawzatah hliam an tuar.

Nimin  khan Vathuampui a khawsa mek Pu Joseph Ngurthanzawna kum 38 leh Pu Lalsangliana Kum 27 te chu Vathuampui atanga Km 5 vela hla Seletiva lui ah Sangha man turin an kal a,  luia an awm lai hian  Savawm   lo chhuak thut in, an pahnih hian a rawn bei ta a, theihtawpa lo in vengin, hun engemawchen an in beih hnuah Savawm hian a kiansan ta niin hliam tuar Pu Lalsangliana, chuan a sawi. Heng Savawm in a seh te hi nimin tlailam khan Lawngtlai thlenpui niin Lairam Christian Medical Centre & Hospital ah luhpui an ni a, hliam pakhat zawk  Joseph Ngurthanzawna   chu a hliam a nat deuh avangin   Lunglei lamah Refer a ni

Lalsangliana hi a lu leh a mit ko bakah a ban veilam leh ding lamah Savawm hian a seh a, Joseph Ngurthanzawna  chu a ban veilam a  tliak a, a lu ah hliam  a tuar bawk

Vathuampui VCP Pu C.Lalvuanthanga chuan, tun hma pawhin an ram chhungah Savawmin a beih hi an lo awm tawh tih sawiin, hetianga harsatna an tawh chungchang hi Forest Deptt ah emaw an la thlen ngailoh thu a sawi a. An ram chhunga mihringte bei mai duh Ramsa an awm chuan khua amite a ti ralti in, an eizawnna ber Lo neitute pawh a ti ralti thin hle niin a sawi