Laifate Kut ngaihhlut ber Hlukhla chu vawiin khan Chandmary mual, Lawngtlai ah hmanmek a ni.
Hlukhla kut ah hian hnam ziarag pholang thei zai leh lam te entir niin, Lawngtlai District a hnam tenau dang te pawn an hnam zai leh lam te an entira, tualchhung zaithiam leh rampum huapa zaithiam langsar ten kalkhawmte an awi reng bawk.
Hlukhla kut ah Lai fate infiamna Lai Paih intihsiakna pawh neih niin, he infiamna hian hlut a hlawh chho leh viau tawh a, a hranpa a Lai Paih inelna te pawh huaihawt a lo ni tawh thin
Lai Autonomous District Council a Chief Executive Member Pu V.Zirsanga chuan hnam humhalh a tul thu sawiin, mahni hnam hnualsuattute an dingchhuak theilo a ti a, hnam ziarang zai leh lam te, nunzetha vawnhimte chu a titurbik an awmchuang lova, kan vaia mawhphurhna a ni ti.
Pu V,Zirsanga chuan induhsakna leh inhmangaihna-te hi chawinung leh ila khawvel ram hrang hranga awm Laifate, Lai Hnam Lipui-ah i luangkhawm leh ang u a ti a, Hnam anga dingchhuaka khawvel zahkai ni tur chuan Hnam inpumkhatna hi a kailawn pawimawh berte zing ami a ni a ti.
Ramri hung tumna leh Free Movement Regime (FMR) tih tawp Sorkar laipuiin sutse a duh tih a sawi a, kan pipute hunah Laifate hi Hnam chak leh huaisen British- ho meuh pawh do ngam an nih avanga "Barhluih Ramri" min kham saka Laifate min thenhranga India, Bangladesh leh Burma rama min thendarh hi kan pawm thei lo a ni. Chuvangin India Sorkar laipuiin chu "Barhluih Ramri British-ho kham zulzuia Indo-Myanmar Border Fencing kalpui a tum leh ramri depa zalentaka kan intlawhpawh theihna, FMR tihtawp a tum hi tha kan ti lova Laifate hian kan pawm thei lo a ni ati.
Tags
News