Ngengpui Sanctuary a duty ten an mankhawm, Len, Thang leh Thingzaina hmanrua vawiin khan tihchhiat a ni.

Vawin khan Ngengpui Wildlife Sanctuary huamchhunga Sava manna atana an hman thang leh len chi hrang hrang te halral ani.

Chhimtuipui Wildlife Division huam chhung Ngengpui Wildlife Sanctuary  chhung a Sava veh thin te leh Thangkam thin ten an hman Airgun chi hrang hrang leh Thingzai khawl (Chainshaw) dan phalloh a hman thinte chu vawin khan phochhuah a tih riral a ni a, heng zinga thang chi hrang hrang, Vahui len leh lenkhang, Thangchep leh Sathang bakah Sairawkherh te hi Dr.R.Lalruatfela, Deputy Conservator of Forest. Chhimtuipui Wildlife Division chuan a halral a. Thingzai khawlte chu hmanzui tlaklohvin tihchhiat a ni a,  Airgun chi hrang hrang erawh chu Case kalpui mek anih avangin Office lama la kawl that a ni.

Heng vawina an tih ral zinga Thingzaina khawl an man 10 te hi nikum 2023 a an man 7 leh kumin February thlatira an man 3 niin, Vahui len leh Lenkhang 115 te hi Kumin January leh February thla a an man a ni a, Thangchep leh Sava thang 100 te hi nikum 2023 a an man khawm niin, Sairawkherh  7 chu kumin  January leh February thlaa an man  a ni.  Sava kahnan a hman chi Air Rifle 15 zinga 10 hi kumin January leh February thla a an man niin, a dang 5 chu nikum a man  an ni.

Ngengpui Wildlife Sanctuary chhehvela khaw hrang hrang ah te leh Sanctuary huamchhungah te Sava veh leh Sa pel thin te bakah Sava leh Sathang kam thin te endik tur hian Ngengpui khuaah R.O hovin Forester engemawzat an awm a. heng hnathawktute hian danin a phalloh Sava leh Ramsa tih chereu na hmanrua leh Thing a ruka zai thinte hmanrua hi mansakin, Sanctuary a Ramsa leh Sava te an him theihna tur hian theihtawp an chhuah reng ani.