Editorial || ADC AH ZPM IN KALPHUNG THAR A KALPUI A PAWIMAWH.

Mipuiin rorelna dawhkan luahtura an thlanchhuahte hi an hlu a, State a Sorkar a inthlakin ADC ah pawh State a Sorkarlaiin a thawhpui theihloh hlauhna vangin Sorkar thlaktura beihna a lian thinin, hetiang tho hian State Sorkar pawhin an Party ngeiin ADC ah Sorkar fawng a vawn theih nan hma an la thin a, inthlanpui hmachhawn lemlo pawn Sorkar inthlak hriattur a awm thin a, heihian awmze thuitak a neilo, Party tha tihchak tumna bak hrinchhuah a nei meuh awm love.

Mizorama ADC pathum ah State a Sorkarlai Party in tun dinhmun ah thuneihna an nei lova, ADC ah te hian inthlanpui hmachhawn a nih ngawtloh chuan ZPM Sorkar din kher tumna hi awm ve lose a duhawm a, dintuma hmala an awm pawn hnawl ngam hial zawk sela, ADC Sorkar te hian State Sorkar kaldan enchungin hna thatakin thawk maisela, chu chu Sorkar awmchhan pawh a ni a, Blood group inang tih leh mahni Party nilo Sorkar hrek duhna emaw thawhpui theihlohna ang chi hi nuaibo hlan a nghahhlehawm takzet.

Tutepawh ADC ah Sorkar se, State Sorkar in zahtaka an chanvo tur diktak a ngaihtuah phawt chuan chu Sorkar chu mipuiin inthlanpui neih hun ah an bawh ngei ngei dawn a, ZPM hian ADC ah te hian kalphungthar kalpui ngamse, chu chuan ADC Politics inlumlet nasa lutuk thin hi a tihziaawm a rinawm.